العيد جاء.. تجهزتوا بالله؟؟؟ تعالوا حتى أنا مارتبت كل شي للحين!!

العيد جاء.. تجهزتوا بالله؟؟؟ تعالوا حتى أنا مارتبت كل شي للحين!!

… كـــل عام وأنتوا أحلى بنات وأمهات .. ينعاد عليكم بالصحة والسلامة حبيباتي..

الله يوفقكم أجمعين والمتزوجه يرزقها الذرية الصالحة.. والبنوتات ربي يعطيهم الرجال الصالح اللي ينسيهم الدنيا ومن فيهآآ..

فديتكم..

طبعا العيد مابقى عليه الا كم يوم.. ولازم تترتبون تراكم فقعتوا كبدي ماتسمعون الكلام آخرتها بجيكم بيوتكم ونسوي سوا الخلطات والعفسه حقتنا هههههههههه

من اليوم و طالع سووا حمام مغربي يوميا.. ولا تستخدمون اي وسيلة لإزالة الشعر.. وغير كذا يوميا بعد الحمام المغربي رطبوا اجسامكم ودلكوهآآآ عدل عدل.. عشان التشققات وعشان الجفاف هو سبب السواد..

طبعا خصصي فترة الظهيرة لعمل قناع لوجهك الحلو.. أو لعمل خلطة لنفخ الوجه ترى بتعطي نظارة حلوة للبشرة.. واستمري على الزبادي والخيار..

بعدين قبل يوم العيد بيوم.. لا ترتبكون وتحاتون وشلون بيطلع الشكل.. تذكروا انتوا حلوات والكل لازم تكون عنده ثقة بنفسه.. طلعي لبسك مع الاكسسوارات والنعال وانتوا بكرامة.. وجهزيه بالكبت طبعا لاتنسين تعطرينه وتبخرينه وتكتمينه شوي عشان تظل الريحة فيه لانك بتكونين نفس الفراشة من مجلس لمجلس ومن مكان لمكان.. فانثري هالريحة بكل مكاااان معاكـ

وجهزي الميك آب قبل العيد بليلة وتأكدي لو ناقصك شي الحقي واشتريه.. مرات ننسى المناكير ومرات قلم الكحل ما يثبت.. ومرات كريم الاساس ما ينفع..

طبعا للي تكون لابسة لبس مفتوح وحابة تحط كريم أساس على جسمها عشان يطلع اللون يجنن.. قبل العيد بليلة جيبي اي كريم سائل ،، وحطيه بالثلآآجه.. وخليه وطلعيه قبل الاستعمال.. وصبيه في فنجان قهوة وصبي عليه شوية كريم اساس وادهني فيه الجسم ووزعيه عدل.. بعدين جيبي اسفنجه عادية وحطي عليها بودرة جونسون وانثريها بشويش فوق اللي حطيتيه.. وشوفي شلون بيجي لونك يجنن..

اممم لاحد ينسى العباية والشيلة لازم تكون نظيفة ومبخرة عشآآن الطلعات ولاتنسين تجهزين شنطة الخروج لك.. طبعا فيها المراية والعطر والكريم والشغلات الضرورية مو تحشرينها بشغلات ما لأمها داعي..

زي أختي فتحت شنطتها حقت العيد لقيتها حاطه نوته وحجمها كبير قلت لها خير ان شآء الله رايحة الكلية انتي.. هذي شنطة العيد يعني بس حقت مشاوير جيران وعزايم.. هههههه قالت خفت اروح مجمع ألقى أحد مشهور وش يوقع لي عليه.. قلت لها روحي عند ولد الجيران أجل وخليه يوقع ههههههه

فديتكم.. انا متأكده انكم بتطلعووون حلوات.. وصباحية العيد لما تشوفون نفسكم تذكروا كلامي وادعوا لي ان الله يعوضني ويكتب لي الخير في كل شي..
أحبكم وصدقوني.. احس اني منكم وفيكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

حلوه فقعتوا كبدي هههه
والاحلى اني اول وحده ترد ياااي

فديتش ياعسل مشكووورة حيل
ربي ما يحرمنا منك ياحلوة

تصدقي احاتي عباية العيد خايفة ما تضبط الخياطة او ماتجهز حق العيد
الله يستر اليوم بمر اشيك عليها

ربي يعوضش خير يالغالية
____________________________________________________________

>>>> الرد الثاني :

المشاركة الأصلية كتبت بواسطة قمر ونص مشاهدة المشاركة
حلوه فقعتوا كبدي هههه
والاحلى اني اول وحده ترد ياااي

فديتش ياعسل مشكووورة حيل
ربي ما يحرمنا منك ياحلوة

تصدقي احاتي عباية العيد خايفة ما تضبط الخياطة او ماتجهز حق العيد
الله يستر اليوم بمر اشيك عليها

ربي يعوضش خير يالغالية

فديتها الحلوة اللي ردت علي يا ناااااس

لا ان شاء الله تضبط ولو خربها او شي.. فيه وقت تضبطينها وان شاء الله تعجبك يا رب

موفقة
____________________________________________________________

>>>> الرد الثالث :

تسلمين على اهتمامك بالكل وهذا مو غريب عليك الله يعطيك العافية ويسهلك امورك دنيا واخرة
____________________________________________________________

>>>> الرد الرابع :

____________________________________________________________

>>>> الرد الخامس :

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.