ماركات مكياج مجربة وحلوة ,,,,,

هااااااااااي صبايا

فتحت القسم وفكرت اني اكتب هالمرة موضوع بخط ايدي ومن خبرتي واحترت وش اكتب

بس قررت اعطيكم ماركات المكياج
واتمنى استفيد انا بعد منكم وتستفيد باقي الفراشات الحلوات وتعطوني ماركات انتو استخدمتوها شخصيا وتنصحون باستخدامها
اوكي بسم الله نبدأ
اولا : الكريم الاساس
انا استخدمت ماركة سوبرا كلر وفي منها الوان ودرجات وتنفع اكثر شي للبشرة الدهنية.
وماركة دريماكول ايضا روعة في اخفاء جميع عيوب البشرة

ثانيا : البودرة المظغوطة
طبعا استخدم السمركيك الحمرا بخلط درجتين من درجات الوانه اللي تناسب البشرة

ثالثا : البودرة الحرة ( اللمسة الاخيرة)
ماركة جاست جولد اللون البيج حلو لانه لمعته خفيفة ويخلي الوجه مخملي نوعا ما

رابعا: الاظلال
طبعا ماركات الاظلال كثيرة وكل مرة يطلعون ماركة جديدة
انا استخدم
– ماركة لمسة للالوان الزاهية والابيض
– اتيود وكريولان للون الاصفر
– بوتيك للون الاسود
– كريولان و جوكو للون البني
– تومي و سينما للبرتقالي

خامسا: الكحل
الكحل السائل ماركة كازانوفا و لانكوم
الكحل الداخلي ماركة d.m.a.m للابيض والاسود

سادسا: الماسكار
من ماركة ماكس فاكتور
كازانوفا
اتيود

سابعا: تخطيط الحواجب
ظل من ماركة كريولان البني مع فرشاة من بودي شوب

ثامنا: اضاءات العين
ماركة اتيود

تاسعا: بودرة الخدود
جولدن ليدي
افون
واستخدم الاظلال من ماركة اتيود كبودرة خدود احيانا وخصوصا للمناسبات تكون ابرز واثبت

عاشرا: محدد الشفاة
ماركة لوك

احدى عشر: الارواج ( أحمر الشفاة )
kiss 2024
جاست جولد
افون
طبعا ماركاته كثيرة صعب نحصيها لان كل ماركة ولها الوان مميزة

ثاني عشر: حبيبات الاسمرار ( للبرونزاج )
افون
هذي انصح فيها لانها تخلي الوجه مرسوم رسم كأنه صورة من مجلة

تقريبا هذي الماركات كلها اللي استخدمها واذا نسيت اي شي ذكروني واعطيكم اياه

بس هم ابي ماركات حلوة من عندكم ومجربة شخصيا مابي تقولوا سمعنا عنها

واي ماركة تبون تعرفون من اي محل اجيبها لا يردكم الا لسانكم

واتمنى اكون افدتكم بهذي المعلومات